കടലാസ് തോണികൾ
കടലാസ് തോണികൾ
---------------------------------
കരിഞ്ഞയിലകൾക്ക് മുകളിൽ,
തളിരിലകൾ പടരും.
കുറുകിയ കണ്ണുകൾ പിന്നെ ,
അതിലേക്കു മാത്രം വിടരും.
കൊഴിഞ്ഞയിതളുകൾ മെല്ലെ ,
താഴേക്ക് പൊഴിയും.
ഇന്നലെയവേശതോടെ ഓടിയടുത്ത കാലുകൾ പക്ഷെ .
ഇന്നതിനെ ചവുട്ടി ഞെരിക്കും.
ഒരു മുഴു ജീവിതം സ്വപ്നം കണ്ട്,
അതിയുല്സാഹത്തോടെ പറന്നുയർന്ന്,
ഒരു മാത്രാ നേരം കൊണ്ട് ചിറകടർന്ന് ,
എരിഞ്ഞു തീരുന്ന നിമിഷ ജന്മങ്ങൾ .
കാലം കടലാസ് തോണികൾ,
പണിതു കൊണ്ടേയിരിക്കും.
ഒരു ദീർഘ മഴയുടെ ആവേശത്തിമർപ്പോടെ,
കൌതുകം നഷ്ടപ്പെട്ട്,
മണ്ണിലടിയുന്ന ജീവിതത്തോണികൾ .
മണ്ണിലടിയുന്ന ജീവിതത്തോണികൾ .
ReplyDelete